20121202扭蛋劇場 - 你是葉劉不是葉玉__
J: 先生先生~我係神仙喎~
N: 哇犀利喎~識飛架喎你~
J: 犀利哩~喂2015年有咩願望先？
N: 我連對2014年都冇咩希望你仲問我2015年有咩願望？你唔好咁離地啦~
J: 神仙好難唔離地架喎~
J: 許個願啫~
N: 係咪許咩願都得先~
J: 當然啦~
N: 我要真普選~
J: 唉呀你講哩啲呀……好難架喎~有冇啲實際啲架？
J: 許個實際啲啦~實際啲先幫你實現到吖嘛~
N: 一人一票有提名權仲唔夠實際呀？
J: 許個短期啲就做到架啦~有冇其他嘢想要呀？
N: 咁呀……一定要物件呀？
J: 服務都得嘅~
N: 我想請警察睇綱管舞~
J: OK!
N: 葉劉跳喎~
J: 吓……
J: 唔係幾好喎~
N: 唔係呀~幾好呀~佢自己提議嘅~
J: 佢冇話過自己想跳吖~
N: 佢冇話唔想呀~
J: 你許番個關你自己事嘅願啦~
N: 唔係架~關架~
J: 請警察睇綱管舞關你咩事呀~
N: 幫佢地減下壓都好吖嘛~佢地大壓力我就大壓力架啦~
J: 都唔洗指名搵邊個跳啫~
N: 唔係咁講呀~一陣送咗個暴徒入去咪死?! 我信葉劉唔係！
J: 諗落都係唔對路呀~諗過！
N: 梁愛詩啦一係~
J: 唔係啩~
N: 又讀得多書又係威係勢~
J: 年紀好似唔多適合喎~
N: 但係……咁重要嘅任務，我點放心交比年輕人呀……
J: 咁又係~
J: 葉劉……定梁愛詩，真係……魚與熊掌喎~
N: 一於採取政府常用做法囉~雙管齊下~
J: 都好嘅~有個伴壯下膽~冇咁懢尬。
N: 開心都嚟唔切啦~
N: 到時佢地跳緊你再喺上面dump啲聖光落去~哇！幾貴氣呀~
J: 我都要出席？唔好啦啩！
N: 我心願嚟喎~
J: er……話唔定book唔到場呢~
N: 你記得咩喎~搵埋阿執達吏dump啲告票比啲偷睇嘅市民喎~邊個偷睇拉晒佢地喎~
J: 仲有冇多啲要求呀~洗唔洗加多個林鄭比你呀~
N: 咩呀？一齊跳囉~咁開心~
Search